D’ortudèanu
| D’ortudèanu Alla ‘mmrunèata si ricogli chièanu chièanu, chjin’e fèama e stancu mùartu d’ortudèanu, partutu ccu lla notti, ca a jurnèata è bella, ccu llu chiantaturu, a fàvuci e lla zapparella. Chilla terra illu mo lla ttutta ricamèata, e dde tanti buani sapuri ll’ha cchiantèata, cci nn’ha jjettèatu fatiga e ssuduri tanti misi, cci nn’ha ‘nzuppèatu quazuni e ccammisi. Quanni arriva alla chèasa è ttuttu cuntiantu, na càvuda minestra e nnu pocu e abbìantu, alli figli lli cunta cum’è jjuta a jurnèata, e attramenti chi cunta lli fa n’accarizzèata. I ‘mpèara a ccrìsciari ccu onestà e rrispettu, lli ‘mpèara a ccanùsciari u pregiu e du difettu, assiboglia ch’è stanchèatu e ss’e dde riposèari alli figli i valori e da vita e dde ‘mparèari. Illu camina lli viji ccu lla zappa supa i spalli, a cchini duna lla mèana lli fa ssèntari i calli, na vota suda intra a vita, illu s’è ‘ntodettèatu, u jùarnu cchiù bìallu, quanni s’è spusèatu. Illu unn’ha ffattu scoda, ca c’era lla guerra, u quadernu sua, è ssu pezzarìallu e terra, a pinna ppe cci scrìvari, è lla zapparella, u scrittu finitu è ssa rrobba sapurita e bella. Chissu è ll’ortudèanu e ll’èami e ringrazièari, ca rrobba genuina a ttutti nua fa mmangèari, e nnunn’è ppocu, a ssu munnu ch’è ccancèatu c’u mangèari e di putighi è ttuttu abbedenèatu | L’ortolano Al tramonto rincasa lentamente, affamato e stanco morto l’ortolano, partito con il buio, per via del tempo bello, con il piantatoio, la falce e la zappetta. Quel terreno lo ha tutto coltivato, e di tanti buoni sapori lo ha trapiantato, ha buttato fatica e sudore per tanti mesi ha inzuppato pantaloni e camice. Quando arriva a casa è contento, una calda minestra e un poco di riposo, ai figli gli racconta la giornata trascorsa, e mentre racconta, li accarezza. Insegna loro a crescere con onestà e rispetto, insegna loro a conoscere il pregio e il difetto non importa se è stanco e deve riposare, ai figli i valori della vita deve insegnare. Cammina per le vie con la zappa sulle spalle a chi gli da la mano gli fa sentire i calli, una volta sola nella vita si è vestito elegante il giorno più bello, quando si è sposato. Lui non è andato a scuola per via della guerra Il suo quaderno e questo pezzo di terra, la penna per scrivere, è la zappetta, lo scritto finito è il cibo saporito e bello. Questo è l’ortolano e lo dobbiamo ringraziare, cibo genuino a noi tutti fa mangiare, e non è poco, su questo mondo cambiato, il cibo dei negozi è tutto avvelenato. |
